Home సినిమాలు విశాల్ 'చక్ర' మూవీ రివ్యూ:

విశాల్ ‘చక్ర’ మూవీ రివ్యూ:

నటీనటులు: విశాల్, శ్రద్ధా శ్రీనాథ్, రెజీనా కసండ్రా, కె.ఆర్‌. విజయ, మనోబాల నిర్మాత: విశాల్‌, దర్శకత్వం: ఎం.ఎస్‌.ఆనందన్‌, సంగీతం: యువన్‌ శంకర్‌ రాజా

ప్రపంచం మొత్తం సాంకేతికత వెంట పరుగులు తీస్తోంది. సాంకేతిక పరిజ్ఞానంతో మేం ఎన్నో సాధించాం అని గొప్పగా చెప్పుకుంటున్నాం. ఈ గొప్పల వెనుక ఉండే సమస్యలు అనేకం. మనచేతిలో ఉన్న స్మార్ట్ ఫోన్ మన జీవితాన్ని సైబర్ నేరగాళ్ల చేతికి ఎలా అప్పగిస్తుందన్న కథాంశంతో తెరకెక్కిన చిత్రమే విశాల్ నటించిన ‘చక్ర’.

కథ:
భారత్ దేశంలో 73వ స్వాతంత్ర్యదినోత్సవ వేడుకలు ఘనంగా జరుగుతుంటాయి. ఆ సమయంలో హైద‌రాబాద్‌లోని చాలా ప్రాంతాల్లో ఒకేసారి 50 ఇళ్లల్లో దొంగతనం జరుగుతుంది. ఇద్ద‌రు ముసుగు వ్య‌క్తులు బైకుల‌పై వ‌చ్చి ఆ దొంగ‌త‌నాలు చేస్తారు. ఆ కేసును చేధించే బాధ్య‌త‌ను ఏసీపీ గాయత్రి(శద్ధా శ్రీనాథ్)కి అప్పగిస్తారు. ఆ దొంగ‌త‌నాలు జరిగిన ఇళ్లల్లో సైనికుడు సుభాష్ చంద్రబోస్ అలియాస్ చంద్ర(విశాల్) ఇళ్లు కూడా ఉంటుంది. చంద్ర తండ్రికి భారత ప్రభుత్వం ప్రదానం చేసిన అశోక చక్ర మెడల్ ఆ దోపిడీలోనే చోరీకి గురవుతుంది. దీంతో చంద్ర కూడా ఆ కేసును ఛేదించేందుకు గాయ‌త్రితో పాటు రంగంలోకి దిగుతాడు.  పోలీసులతో కలిసి దొంగలను వెతికే పనిలో పడతాడు. ఈ క్ర‌మంలోనే అత‌ను ఓ సైబ‌ర్ నేర‌గాడిని ఎదుర్కోవాల్సి వ‌స్తుంది. మ‌రి ఈ దోపిడీ వెన‌కున్న ఆ క్రిమిన‌ల్ ఎవ‌రు? ఆ వ్య‌క్తిని చంద్ర ఎలా పట్టుకున్నాడు? అన్నది మిగతా కథ.

విశ్లేషణ:
ఈ సినిమాలో హీరో విశాల్‌  ఎప్పటిలానే యాక్షన్‌ సీన్లలో అదరగొట్టాడు. ప్రతినాయిక పాత్రలో రెజీనా కసండ్రా విలక్షణంగా కనిపించారు. ఇక పోలీసు అధికారిగా శ్రద్ధా శ్రీనాథ్‌ పాత్ర కూడా చక్కగా ఉంది. సీనియర్‌ నటి కె.ఆర్‌. విజయది చాలా చిన్న పాత్రే అయిన ఆమె తన పరిధి మేరకు ఆకట్టుకున్నారు. కాగా, తొలి చిత్ర దర్శకుడైన ఎం.ఎస్‌. ఆనందన్‌ ఈ చిత్ర కథను బలంగా రాసుకున్నట్టు కనిపించదు. దానివల్ల ఈ సినిమా మొదట్లో కాసేపు ఆ తరువాత ఛేజింగులు, హీరో విలన్ల మధ్య రసవత్తర పోరు వంటివి ఆసక్తిగానే ఉన్నా, ఆ తరువాత రిపీట్‌ సీన్లు చూస్తున్న ఫీలింగ్‌ వీక్షకులకు వస్తుంది. నిజానికి, ఫస్టాఫ్‌ కాస్తంత వేగంగా గడిచిపోయినట్టు అనిపిస్తుంది. కానీ, సెకండాఫ్‌ లో సినిమా వేగం తగ్గింది. కథ అక్కడక్కడే నెమ్మదిగా సాగుతుంది.

ప్లస్ పాయింట్స్ : విశాల్ నటన, ఫస్టాఫ్, సంగీతం
మైనస్‌ పాయింట్స్‌ : సెకండాఫ్‌, సాగదీత సీన్లు 
రేటింగ్: 2.5/5

అత్యంత ప్రముఖమైనవి

మహేశ్‌ Vs అర్జున్.. ‘సర్కారు వారి పాట’కి కొత్త తలనొప్పి.

మహేశ్‌బాబు హీరోగా నటిస్తున్న తాజా చిత్రం ‘సర్కారువారి పాట’. పరశురామ్‌ దర్శకత్వం వహిస్తున్న ఈ చిత్రంలో కీర్తీ సురేష్‌ హీరోయిన్‌గా నటిస్తున్నారు. మైత్రీ మూవీ మేకర్స్, జీఎమ్‌బీ ఎంటర్‌టైన్‌మెంట్స్, 14 రీల్స్ సంస్థలు...

రామ్ సినిమాలో ఆ సీనియర్ హీరో.. ‘రాపో 19’లో విలన్ గా కోలీవుడ్ సూపర్ స్టార్‌..

తనదైన శైలిలో అటు క్లాస్‌ ఇటు మాస్‌ ఆడియన్స్‌ను మెప్పించి టాలీవుడ్‌ ఎనర్జిటిక్‌ స్టార్‌గా పేరు తెచ్చుకున్నారు రామ్‌ పోతినేని. ఆయన కథానాయకుడిగా తమిళ దర్శకుడు లింగుస్వామి ఓ చిత్రం ప్రకటించిన విషయం...

ప్రశాంత్ నీల్ మూవీలో ఎన్టీఆర్ రోల్ లీక్.. యంగ్ టైగర్ ఫ్యాన్స్‌కు భారీ సర్‌ప్రైజ్

ప్ర‌ముఖ క‌న్న‌డ ద‌ర్శ‌కుడు ప్ర‌శాంత్ నీల్ ద‌ర్శ‌క‌త్వంలో యంగ్ టైగర్ ఎన్టీఆర్ న‌టిస్తున్న విషయం తెలిసిందే. ఈ సినిమాని ఎన్టీఆర్ 31 వ‌ర్కింగ్ టైటిల్‌తో మైత్రీ మూవీ మేక‌ర్స్‌, ఎన్టీఆర్ ఆర్ట్స్ సంస్థ‌లు...

నాన్న‌ను హ‌త్తుకుని నిద్ర‌పోతున్న సితార‌.. ఫోటో షేర్‌ చేసిన నమ్రత

సూపర్ స్టార్ మహేష్ బాబు ప్రస్తుతం లాక్ డౌన్ సమయాన్ని ఎంజాయ్ చేస్తున్నాడు. పిల్లలతో సరదాగా గడుపుతూ.. నచ్చిన సినిమాలను చూస్తూ టైం పాస్ చేస్తున్నాడు. గౌతమ్, సితారతో కలిసి మహేష్ చేసే...

ఇటీవలి వ్యాఖ్యలు