Home ప్రత్యేకం విశాఖలో ఆందోళన ఉద్ధృతం.. ఉక్కు కర్మాగారంపై మోదీకి మరోసారి జగన్‌ లేఖ

విశాఖలో ఆందోళన ఉద్ధృతం.. ఉక్కు కర్మాగారంపై మోదీకి మరోసారి జగన్‌ లేఖ

విశాఖపట్నం ఉక్కు కర్మాగారం ప్రైవేటీకరణపై కేంద్ర ప్రభుత్వం సంచలన ప్రకటన చేసిన సంగతి తెలిసిందే. విశాఖ స్టీల్ ప్లాంట్ ప్రైవేటీకరణ వ్యవహారంలో ఆంధ్రప్రదేశ్ ప్రభుత్వానికి ఏమాత్రం సంబంధం లేదని తేల్చి చెప్పారు. అయితే, ఈ అంశంపై ఆంధ్రప్రదేశ్‌ ముఖ్యమంత్రి జగన్‌ మోహన్‌రెడ్డి మరోసారి ప్రధాన మంత్రి నరేంద్రమోదీకి లేఖ రాశారు. ఆర్థిక మంత్రి నిర్మలాసీతారామన్‌ చేసిన ప్రకటనపై మాట్లాడేందుకు అపాయింట్‌మెంట్‌ ఇవ్వాలని లేఖలో కోరారు. అఖిలపక్షంతో కలిసి విశాఖ ఉక్కు కర్మాగారం పై ప్రధానిని కలిసి మాట్లాడేందుకు అనుమతి కోరారు. 100 శాతం పెట్టుబడుల ఉపసంహరణపై మరోసారి ఆలోచించాలని విజ్ఞప్తి చేశారు. ఈ క్రమంలోనే గతంలో రాసిన లేఖలోని అంశాలను మరోసారి ముఖ్యమంత్రి జగన్ ప్రస్తావించారు. రాష్ట్రీయ ఇస్పాత్‌ నిగమ్‌ లిమిటెడ్‌ (ఆర్‌ఐఎన్‌ఎల్‌) సంస్థ వద్ద 7వేల ఎకరాలు ఉపయోగించని భూమి ఉంది. ప్లాట్ల కింద మార్చి ఆర్‌ఐఎన్‌ఎల్‌ను ఆర్థికంగా బలపరచవచ్చు’ అని జగన్ సూచించారు.

మరోవైపు విశాఖ ఉక్కుపై కేంద్రం తాజా ప్రకటనతో కార్మికులు, నిర్వాసితులు భగ్గుమన్నారు. సోమవారం రాత్రి నుంచి ఆందోళనలు తీవ్రతరం చేశారు.. కార్మికుల ఆందోళనతో విశాఖలో ఉద్రిక్త పరిస్థితి నెలకొంది. జాతీయ రహదారిపై కూర్మన్నపాలెం కూడలి ఉక్కు ప్రధాన ద్వారం వద్ద ఉద్యమకారులు పెద్ద ఎత్తున ఆందోళనలు చేశారు. కూర్మన్నపాలెం కూడలిలో ఆందోళనకారులు చేపట్టిన నిరసన ఇంకా కొనసాగుతూనే ఉంది. కేంద్రం ప్రకటనతో ఉన్న ప్రతులను ఉద్యమకారులు దగ్దం చేశారు. కేంద్రం తీరుకు నిరసనగా మంగళవారం విశాఖలోని ఉక్కుపరిపాలనా భవనం ముట్టడికి ఉక్కు పోరాట కమిటీ పిలుపునిచ్చింది. కార్మికుల ఆందోళనలకు పార్టీలు, మిగిలిన కార్మిక సంఘాలు మద్దతు ఇచ్చాయి. కేంద్రం ప్రకటనను వెనక్కు తీసుకునే వరకు వెనక్కు తగ్గేది లేదని ఉద్యమకారులు స్పష్టం చేశారు.

అత్యంత ప్రముఖమైనవి

యంగ్ టైగర్ అభిమానులకు అదిరిపోయే గుడ్ న్యూస్!

యంగ్‌ టైగర్‌ ఎన్టీఆర్‌, మాటల మాంత్రికుడు త్రివిక్రమ్‌ శ్రీనివాస్‌ దర్శకత్వంలో ఓ సినిమా తెరకెక్కనున్న విషయం తెలిసిందే. అర‌వింద స‌మేత త‌ర్వాత వీరిద్ద‌రి కాంబినేష‌న్‌లో వ‌స్తున్న ఈ సినిమాపై అభిమానులు ఎన్నో ఆశ‌లు...

‘వకీల్ సాబ్’లో పవన్ తెలంగాణ యాసలోనే ఎందుకు మాట్లాడతాడో తెలుసా..?

పవర్ స్టార్ పవన్ కళ్యాణ్ టైటిల్ పాత్రలో నటించిన తాజా చిత్రం 'వకీల్ సాబ్'. శుక్రవారం ప్రపంచవ్యాప్తంగా విడుదలైన ఈ చిత్రం అఖండ విజయాన్ని ఖాతాలో వేసుకుంది. ఓవర్సీస్ సహా విడుదలైన అన్ని...

‘వకీల్‌సాబ్‌’లో పవన్ అసలు నటించనేలేదు.. నాగబాబు ఆసక్తికర వ్యాఖ్యలు

పవన్‌కళ్యాణ్‌ టైటిల్ పాత్రలో నటించిన తాజా చిత్రం 'వకీల్‌సాబ్‌' ఏప్రిల్‌ 9న ప్రేక్షకుల ముందుకు వచ్చిన సంగతి తెలిసిందే. ఈ సినిమాలో పవర్ స్టార్ నటనను చూసి ప్రేక్షకాభిమానులే కాదు, మెగాస్టార్‌ చిరంజీవితో...

ఉగాది రోజు బాల‌య్య-బోయపాటి సినిమా నుండి స్పెష‌ల్ స‌ర్‌ప్రైజ్

నటసింహం నందమూరి బాలకృష్ణ హీరోగా బోయపాటి శ్రీను దర్శకత్వంలో ఓ సినిమా తెరకెక్కుతున్న విషయం తెలిసిందే. వీరిద్దరి కాంబోలో ఇప్పటికే వచ్చిన సింహా, లెజెండ్‌ చిత్రాలు ఘన విజయం సాధించిన సంగతి తెలిసిందే....

ఇటీవలి వ్యాఖ్యలు