Home ప్రత్యేకం తెలంగాణలో నిరుద్యోగులకు కేటీఆర్‌ శుభవార్త

తెలంగాణలో నిరుద్యోగులకు కేటీఆర్‌ శుభవార్త

తెలంగాణ ప్రభుత్వం నిరుద్యోగులకు మరో శుభవార్త చెప్పబోతోంది. త్వరలోనే యాభై వేల ఉద్యోగ నియామకాలను చేపడతామని ప్రకటించిన తెలంగాణ సర్కారు.. మరికొన్ని రోజుల్లో నిరుద్యోగ భృతి అందించే దిశగా అడుగులేస్తోంది. ఈ విషయాన్ని మంత్రి కేటీఆర్ స్వయంగా చెప్పడం విశేషం. గురువారం నిర్వహించిన రాష్ట్ర విద్యుత్‌ కార్మిక సంఘం సమావేశంలో పాల్గొన్న కేటీఆర్ నిరుద్యోగ భృతి ప్రస్తావన తీసుకొచ్చారు. టీఆర్ఎస్ ప్రభుత్వం ఇప్పటికే లక్ష 31 వేల ఉద్యోగాలు ఇచ్చిందని.. త్వరలోనే మరో 50 వేల ఉద్యోగాల భర్తీ ప్రక్రియను చేపడతామని మంత్రి స్పష్టం చేశారు. ఈ నేపథ్యంలోవచ్చే బడ్జెట్లో తెలంగాణ సర్కారు నిరుద్యోగ భృతికి నిధులు కేటాయించే అవకాశం ఉంది.

కాగా,ఈ సమావేశంలో కేటీఆర్ మాట్లాడుతూ..ఇప్పటివరకు టీఎస్‌పీఎస్‌సీ ద్వారా 36వేలకు పైగా ఉద్యోగాలను భర్తీ చేశాం. ప్రభుత్వ రంగ సంస్థలైన జెన్‌ కో, ట్రాన్స్‌ కో, సింగరేణి ద్వారా మరిన్ని ఉద్యోగాలు భర్తీ చేసుకున్నాం.ఇలా అన్ని రంగాల్లో కలిపి 1.31 లక్షల ఉద్యోగాలను కేసీఆర్‌ ప్రభుత్వం ఇచ్చింది. తాజాగా మరో యాభై వేల ఉద్యోగాలకు నోటిఫికేషన్‌ ఇవ్వబోతున్నాం. రాష్ట్రంలో ఒక శిశువు జన్మిస్తే ప్రభుత్వం అందించే కేసీఆర్ కిట్‌ మొదలు విదేశాలకు వెళ్లి చదువుకునేంతవరకు వివిధ పథకాల రూపంలో అన్ని విధాలా ప్రభుత్వం అండగా ఉంటోంది. ఇదే వరుసలో త్వరలోనే నిరుద్యోగ భృతి కూడా వస్తోంది. ప్రపంచంతో పోటీ పడేలా తెలంగాణ బిడ్డలను రాష్ట్ర ప్రభుత్వం తీర్చిదిద్దుతోంది అని గర్వంగా చెబుతున్నా. కొత్త కొత్త ఆలోచనలతో ప్రభుత్వం ముందుకు వెళ్తోంది అని కేటీఆర్‌ పేర్కొన్నారు.

అత్యంత ప్రముఖమైనవి

సన్‌రైజర్స్‌ సంచలన నిర్ణయం.. కెప్టెన్సీ నుంచి వార్నర్‌ తొలగింపు

ఇండియన్ ప్రీమియర్ లీగ్ (ఐపీఎల్) 2021వ సీజన్ మధ్యలో సన్‌రైజర్స్ హైదరాబాద్ సంచలన నిర్ణయం తీసుకుంది. కెప్టెన్సీ నుంచి డేవిడ్ వార్నర్‌ని తప్పించి అతని స్థానంలో కేన్ విలియమ్సన్‌‌ని సారథిగా నియమించింది. తాజా...

సోషల్ మీడియాలో వైరల్ అవుతున్న ‘పుష్ప’ మూవీ స్టోరీ..!!

'ఆర్య’, ‘ఆర్య-2’ తర్వాత సుకుమార్‌-  అల్లు అర్జున్‌ కాంబినేషన్‌లో రూపుదిద్దుకొంటున్న హ్యాట్రిక్‌ చిత్రం ‘పుష్ప’. ఇందులో రష్మిక మందనా కథానాయిక. ఈ చిత్రం ఆగష్టు 13న ప్రేక్షకుల ముందుకు రానున్నట్లు ఇటీవలే ప్రకటించిన...

ప్రభాస్ మూవీ నుంచి తప్పుకున్న లెజెండ‌రీ డైరెక్టర్.. నిరాశలో అభిమానులు..!?

ప్రభాస్‌ హీరోగా ‘మహానటి’ ఫేమ్‌ నాగ్‌ అశ్విన్‌ దర్శకత్వంలో ఓ సినిమా తెరకెక్కనున్న విషయం తెలిసిందే. వైజయంతీ మూవీస్‌ పతాకంపై సి. అశ్వినీదత్‌ ఈ సినిమాను నిర్మించనున్నారు. స్వప్నాదత్, ప్రియాంకాదత్‌ సహనిర్మాతలు. ఇక...

పుష్పరాజ్‌.. మరో రెండు రోజుల్లో ముగించేస్తున్నాడు!

అల్లు అర్జున్‌ కథానాయకుడిగా సుకుమార్‌ దర్శకత్వంలో తెరకెక్కుతోన్న చిత్రం ‘పుష్ప’. ఎర్ర చందనం అక్రమ రవాణా నేపథ్యంలో సాగే ఈ సినిమాలో అల్లు అర్జున్‌ పుష్పరాజ్ పాత్ర పోషిస్తున్నాడు. ఈ చిత్రంలో బన్ని...

ఇటీవలి వ్యాఖ్యలు