Home క్రీడలు ఐపీఎల్ ఆర్జనలో ధోనీ అరుదైన రికార్డు..

ఐపీఎల్ ఆర్జనలో ధోనీ అరుదైన రికార్డు..

ఐపీఎల్‌లో అత్యుత్తమ ఆటగాడిగా పేరుగాంచిన టీమిండియా మాజీ కెప్టెన్,చెన్నై సూపర్ కింగ్స్ సారథి మహేంద్రసింగ్ ధోనీ.. టోర్నీ ద్వారా సంపాదనలో ఆగ్రస్థానంలో నిలిచాడు. ఐపీఎల్ 2021 సీజన్ కోసం ధోనీని చెన్నై సూపర్ కింగ్స్ ఫ్రాంఛైజీ రిటైన్ చేసుకోగా.. ఐపీఎల్ ద్వారా ధోనీ ఆదాయం రూ.150 కోట్ల మార్క్‌ని దాటింది. ఐపీఎల్ 2021 సీజన్ కోసం ధోనీకి రూ.15 కోట్లని చెన్నై సూపర్ కింగ్స్ ఫ్రాంఛైజీ చెల్లించనుంది. 2008 నుంచి ఐపీఎల్ జరుగుతుండగా.. తొలి సీజన్‌ వేలంలో రూ.6 కోట్లకి ధోనీని అప్పట్లో చెన్నై ఫ్రాంఛైజీ కొనుగోలు చేసిన విషయం తెలిసిందే. ధోని తర్వాత ముంబై ఇండియన్స్‌ కెప్టెన్‌ రోహిత్‌ శర్మ రూ.146.6 కోట్లతో రెండో స్థానంలో ఉన్నాడు. ఆ తరువాత రూ.143 కోట్లతో రాయల్ ఛాలెంజర్స్ బెంగళూరు కెప్టెన్ విరాట్‌ కోహ్లీ మూడో స్థానంలో ఉన్నాడు.

కాగా,2008 ఐపీఎల్ సీజన్ ఆటగాళ్ల వేలంలో రూ.6 కోట్లకి ధోనీని కొనుగోలు చేసిన చెన్నై ఫ్రాంఛైజీ.. 2009, 2010 సీజన్లకీ అతడ్ని రిటైన్ చేసుకోవడం ద్వారా రూ.6 కోట్లు చొప్పున చెల్లించింది. 2011లో బీసీసీఐ ఫస్ట్ ఛాయిస్ రిటెన్షన్ ప్లేయర్ ధరని రూ.8 కోట్లకి పెంచింది. దాంతో 2011 నుంచి 13 వరకు రూ.8.25 కోట్లు ఆర్జించాడు. 2014లో మెగా వేలానికి ముందు బీసీసీఐ ఫస్ట్ ఛాయిస్ రిటెన్షన్ ప్లేయర్ ధరని రూ.12 కోట్లకి పెంచగా.. 2014, 2015 సీజన్లలో ధోనీకి రూ.12.5 కోట్లు చెన్నై చెల్లించింది.అయితే ఫిక్సింగ్ కారణంగా నిషేధం పడటంతో 2016, 2017 ఐపీఎల్ సీజన్లకి చెన్నై సూపర్ కింగ్స్ దూరమవగా.. ధోనీని దక్కించుకున్న రైజింగ్ పుణె సూపర్ జెయింట్స్ ఆ రెండు సీజన్లకి రూ.12.5 కోట్ల చొప్పున చెల్లించింది. మళ్లీ 2018లో ఐపీఎల్‌లోకి చెన్నై రీఎంట్రీ ఇవ్వగా.. అప్పటి నుంచి ధోనీని రూ.15 కోట్లు చొప్పున చెన్నై రిటైన్ చేసుకుంటూ వస్తోంది. ఈ క్రమంలో నాలుగు సీజన్లలోనే ( 2018, 2019, 2020, 2021) ధోనీ ఐపీఎల్ ఆర్జన రూ.60 కోట్లుగా ఉంది.ఇక మొత్తంగా..ఐపీఎల్ 14 సీజన్లకిగానూ ధోనీ రూ. 152 కోట్లు ఆర్జించాడు.

అత్యంత ప్రముఖమైనవి

సన్‌రైజర్స్‌ సంచలన నిర్ణయం.. కెప్టెన్సీ నుంచి వార్నర్‌ తొలగింపు

ఇండియన్ ప్రీమియర్ లీగ్ (ఐపీఎల్) 2021వ సీజన్ మధ్యలో సన్‌రైజర్స్ హైదరాబాద్ సంచలన నిర్ణయం తీసుకుంది. కెప్టెన్సీ నుంచి డేవిడ్ వార్నర్‌ని తప్పించి అతని స్థానంలో కేన్ విలియమ్సన్‌‌ని సారథిగా నియమించింది. తాజా...

సోషల్ మీడియాలో వైరల్ అవుతున్న ‘పుష్ప’ మూవీ స్టోరీ..!!

'ఆర్య’, ‘ఆర్య-2’ తర్వాత సుకుమార్‌-  అల్లు అర్జున్‌ కాంబినేషన్‌లో రూపుదిద్దుకొంటున్న హ్యాట్రిక్‌ చిత్రం ‘పుష్ప’. ఇందులో రష్మిక మందనా కథానాయిక. ఈ చిత్రం ఆగష్టు 13న ప్రేక్షకుల ముందుకు రానున్నట్లు ఇటీవలే ప్రకటించిన...

ప్రభాస్ మూవీ నుంచి తప్పుకున్న లెజెండ‌రీ డైరెక్టర్.. నిరాశలో అభిమానులు..!?

ప్రభాస్‌ హీరోగా ‘మహానటి’ ఫేమ్‌ నాగ్‌ అశ్విన్‌ దర్శకత్వంలో ఓ సినిమా తెరకెక్కనున్న విషయం తెలిసిందే. వైజయంతీ మూవీస్‌ పతాకంపై సి. అశ్వినీదత్‌ ఈ సినిమాను నిర్మించనున్నారు. స్వప్నాదత్, ప్రియాంకాదత్‌ సహనిర్మాతలు. ఇక...

పుష్పరాజ్‌.. మరో రెండు రోజుల్లో ముగించేస్తున్నాడు!

అల్లు అర్జున్‌ కథానాయకుడిగా సుకుమార్‌ దర్శకత్వంలో తెరకెక్కుతోన్న చిత్రం ‘పుష్ప’. ఎర్ర చందనం అక్రమ రవాణా నేపథ్యంలో సాగే ఈ సినిమాలో అల్లు అర్జున్‌ పుష్పరాజ్ పాత్ర పోషిస్తున్నాడు. ఈ చిత్రంలో బన్ని...

ఇటీవలి వ్యాఖ్యలు