Home క్రీడలు ఐపీఎల్‌ చరిత్రలో అత్యధిక వ్యక్తిగత పరుగుల రికార్డు వీళ్లదే!

ఐపీఎల్‌ చరిత్రలో అత్యధిక వ్యక్తిగత పరుగుల రికార్డు వీళ్లదే!

మరికొన్ని రోజుల్లో క్రికెట్‌ ప్రేమికులకు పండగే. ఎందుకో ప్రత్యేకంగా చెప్పాల్సిన పనిలేదు. ఏప్రిల్ 9న ఐపీఎల్‌ ప్రారంభం కాబోతోంది. ఈ మెగా క్రికెట్‌ లీగ్‌కు ప్రపంచవ్యాప్తంగా మంచి ఆదరణ  ఉంది. ఈ మెగా టోర్నీ ఇంతలా విజయవంతం కావడానికి ఇటు స్వదేశీ ఆటగాళ్లు అటు విదేశీ ఆటగాళ్లు ప్రధాన కారణంగా చెప్పొచ్చు. వీరందరూ కలిసి అద్భుత ప్రదర్శనతో ఐపీఎల్‌ను మరింత రసవత్తరంగా మార్చారు. ఈ క్రమంలో ఇప్పటివరకు ఈ లీగ్​లో అత్యధిక వ్యక్తిగత పరుగులు చేసిన ఆటగాళ్లెవరో ఇప్పుడు చూద్దాం…

క్రిస్ గేల్ (175) పరుగులు
ఐపీఎల్​ చరిత్రలో అత్యధిక వ్యక్తిగత పరుగులు సాధించిన ఆటగాళ్ల జాబితాలో వెస్టిండీస్ విధ్వంసకర ఆటగాడు క్రిస్ గేల్ అగ్రస్థానంలో నిలిచాడు. ఐపీఎల్ 2013 సీజన్​లో రాయల్ ఛాలెంజర్స్ బెంగళూరు (ఆర్సీబీ) తరఫున బరిలోకి దిగిన ఈ యూనివర్సల్ బాస్ పుణె వారియర్స్​తో జరిగిన మ్యాచ్​లో 66 బంతుల్లోనే 13 ఫోర్లు, 17 సిక్సర్లతో 175 పరుగులు సాధించి పెను విధ్వంసం సృష్టించాడు. కేవలం 30 బంతుల్లోనే ఆఫ్ సెంచరీ బాదిన గేల్ ఆ తర్వాత ప్రత్యర్థి జట్టు బౌలర్లపై పాశవికంగా విరుచుకుపడ్డాడు. దింతో ఈ మ్యాచులో ఆర్సీబీ జట్టు 130 పరుగుల తేడాతో అద్భుత విజయం సాధించింది.
బ్రెండెన్ మెక్​కలమ్ (158) పరుగులు
2008లో ప్రారంభమైన ఐపీఎల్  తొలి మ్యాచులోనే న్యూజిలాండ్ స్టార్ ఆటగాడు బ్రెండన్ మెక్​కలమ్ ఆకాశమే హద్దుగా చెలరేగాడు. ఈ మ్యాచ్ లో కోల్​కతా నైట్​రైడర్స్​తరఫున బరిలోకి దిగిన అతడు రాయల్ ఛాలెంజర్స్ బెంగళూరుతో జరిగిన మ్యాచ్​లో కేవలం 73 బంతుల్లోనే 10ఫోర్లు, 13 సిక్సులతో 158 పరుగులు చేసి సునామీ సృష్టించాడు. దింతో కోల్​కతా జట్టు 140 పరుగుల తేడాతో ఘన విజయం సాధించింది.
ఏబీ డివిలియర్స్ (133) పరుగులు
దక్షిణాఫ్రికా స్టార్ బ్యాట్స్​మన్ ఏబీ డివిలియర్స్ 2015లో ముంబయి ఇండియన్స్​తో జరిగిన మ్యాచ్​లో దుమ్మురేపాడు. ఈ మ్యాచ్ లో రాయల్ ఛాలెంజర్స్ బెంగళూరు (ఆర్సీబీ) తరఫున బరిలోకి దిగిన డివిలియర్స్ 59 బంతుల్లో 19 ఫోర్లు, 4 సిక్సులతో 133 పరుగులు సాధించాడు. దింతో ఈ మ్యాచ్​లో ఆర్సీబీ 39 పరుగుల తేడాతో మధుర విజయం సాధించింది.
కేఎల్ రాహుల్ (132) పరుగులు
యూఏఈ వేదికగా జరిగిన ఐపీఎల్ 2020 సీజన్ లో  కింగ్స్ ఎలెవన్ పంజాబ్ కెప్టెన్ కేఎల్ రాహుల్​ తన బ్యాటింగ్ సత్తా ఏంటో నిరూపించాడు. రాయల్  ఛాలెంజర్స్ బెంగళూరు (ఆర్సీబీ)తో జరిగిన మ్యాచ్​లో 69 బంతుల్లో 14 ఫోర్లు, 7 సిక్సులతో132 పరుగులు సాధించాడు. ఐపీఎల్ చరిత్రలో ఓ భారతీయ ఆటగాడికి ఇదే అత్యధిక వ్యక్తిగత స్కోర్ కావడం విశేషం. రాహుల్ జోరుతో ఈ మ్యాచ్​లో పంజాబ్  97 పరుగులతో విజయం కైవసం చేసుకుంది.
ఏబీ డివిలియర్స్ (129) పరుగులు
దక్షిణాఫ్రికా స్టార్ ఆటగాడు ‘మిస్టర్ 360’ ఏబీ డివిలియర్స్  2016 సీజన్​లో రాయల్ ఛాలెంంజర్స్ బెంగళూరు తరఫున బరిలోకి దిగి.. గుజరాత్​ లయన్స్​తో జరిగిన మ్యాచ్​లో 52 బంతుల్లో 10 ఫోర్లు, 12 సిక్సులతో 129 పరుగులు చేసి పెను తుఫాను సృష్టించాడు. ఏబీ విధ్వంసంతో ఆర్సీబీ జట్టు ఈ మ్యాచులో 144 పరుగుల తేడాతో భారీ విజయం సాధించింది.

అత్యంత ప్రముఖమైనవి

మహేశ్‌ Vs అర్జున్.. ‘సర్కారు వారి పాట’కి కొత్త తలనొప్పి.

మహేశ్‌బాబు హీరోగా నటిస్తున్న తాజా చిత్రం ‘సర్కారువారి పాట’. పరశురామ్‌ దర్శకత్వం వహిస్తున్న ఈ చిత్రంలో కీర్తీ సురేష్‌ హీరోయిన్‌గా నటిస్తున్నారు. మైత్రీ మూవీ మేకర్స్, జీఎమ్‌బీ ఎంటర్‌టైన్‌మెంట్స్, 14 రీల్స్ సంస్థలు...

రామ్ సినిమాలో ఆ సీనియర్ హీరో.. ‘రాపో 19’లో విలన్ గా కోలీవుడ్ సూపర్ స్టార్‌..

తనదైన శైలిలో అటు క్లాస్‌ ఇటు మాస్‌ ఆడియన్స్‌ను మెప్పించి టాలీవుడ్‌ ఎనర్జిటిక్‌ స్టార్‌గా పేరు తెచ్చుకున్నారు రామ్‌ పోతినేని. ఆయన కథానాయకుడిగా తమిళ దర్శకుడు లింగుస్వామి ఓ చిత్రం ప్రకటించిన విషయం...

ప్రశాంత్ నీల్ మూవీలో ఎన్టీఆర్ రోల్ లీక్.. యంగ్ టైగర్ ఫ్యాన్స్‌కు భారీ సర్‌ప్రైజ్

ప్ర‌ముఖ క‌న్న‌డ ద‌ర్శ‌కుడు ప్ర‌శాంత్ నీల్ ద‌ర్శ‌క‌త్వంలో యంగ్ టైగర్ ఎన్టీఆర్ న‌టిస్తున్న విషయం తెలిసిందే. ఈ సినిమాని ఎన్టీఆర్ 31 వ‌ర్కింగ్ టైటిల్‌తో మైత్రీ మూవీ మేక‌ర్స్‌, ఎన్టీఆర్ ఆర్ట్స్ సంస్థ‌లు...

నాన్న‌ను హ‌త్తుకుని నిద్ర‌పోతున్న సితార‌.. ఫోటో షేర్‌ చేసిన నమ్రత

సూపర్ స్టార్ మహేష్ బాబు ప్రస్తుతం లాక్ డౌన్ సమయాన్ని ఎంజాయ్ చేస్తున్నాడు. పిల్లలతో సరదాగా గడుపుతూ.. నచ్చిన సినిమాలను చూస్తూ టైం పాస్ చేస్తున్నాడు. గౌతమ్, సితారతో కలిసి మహేష్ చేసే...

ఇటీవలి వ్యాఖ్యలు